Kandidati i PD për bashkinë e Tiranës, Belind Këlliçi hezitoi dje ta quante minus për të, faktin që kryetari i partisë, Sali Berisha është shpallur non-grata për korrupsion madhor nga SHBA.
Këlliçi tentoi të shmangej duke refuzuar të mbajë një qëndrim të qartë.
“Nuk gjej asnjë pikë se si lidhet kjo çështje me qytetin e Tiranës. Më thoni ju se si lidhet ky vendim i SHBA me çështjet që po diskutojmë”, tha ai në emisionin “Çim Peka live” në Syri Tv.
I pyetur nëse Berisha duhet të largohet nga drejtimi i PD dhe nga politika nëse humb zgjedhjet, Këlliçi tha se “kjo është sanksionuar në statutin e PD dhe nuk është dëshirë e Belind Këlliçit. Kryetari i nënshtrohet votëbesimit”.
Ai pranoi se nuk ka ende një ekip dhe një program ekonomik.
Shfaq Komentet (0)
